阿威

　今日遊覽既地方係山形既山寺。由仙台搭車大約8個字火車就到山寺。由擒日開始天氣已經唔係好好，今朝一早都係落住雨，去到山寺都未停過。係山寺門口俾左入場費就沿梯級行上去，雖然落雨，但遊人都唔少。行左大約半個鐘就上到去本院，上到去雨都停埋，周圍影下相就落番山。初時唔記得係邊度收風，定收錯左風，話上到山頂有成千級樓梯，開頭都俾佢嚇左一嚇，仲擔心有排行添，點知都係3、4百級左右。

　落左山就見d檔攤有野食賣，食左串話係山寺名物。好似蒟蒻咁，仲要加d芥辣上去，怪怪地咁。唔記個名，好似有個”力”字行頭，唔通食左會有力行上山。成惠¥100。

　成個行程都係2個鐘就搞掂，見有時間就去左山形市觀光。不過落雨私濕，都冇乜野行。

　今日，天陰有雨，我們由仙台出發去山寺，起初以為要行差不多一千級樓梯，懷住挑戰之心去行，不過，行到頂時發覺原來路程比預期中少，唔係好辛苦，不過天雨路滑，要小心滑倒。

　我們去到山寺，首先付300Yen入場費，之後就開始行，印象中好似花了半小時就到達頂部，去到頂就要影下相，由高處影下去的確係幾正，一覽無為，我們去到頂時雨已經停了，可以睇清楚風景及到處走走，途中見到有些符咒賣，有好多都好想買，不過今次冇忍手，買了一個800Yen的符咒作為手信，之後就離開。當我們去到起點時，見到有很多人拿著一串串的東西在吃，好似係那裡的名物小食，我們見到也很好奇，而且也不貴，100Yen，所以我們就買了試試，不過試完其實都不知道那些是什麼，而且也沒有什麼味道，不過冇所謂，食完後我們就去山形市觀光。

　去到山形市，由於又下雨的關係，所以我們只是隨便走走，不過，我們就去左商場夾錢買左一份見面禮給知子(食物來的)，因為我們約了她19號在大阪吃飯，勞大少說她們是在網上識的，見過一次面，我冇見過，不知是什麼人，而且我日文不濟，唔知點溝通，不過她好像識講廣東話，希望到時唔好失禮人，之後我們就回仙台YH休息。旅程已經來到第十一日，一切尚算順利，我會繼續忍耐及享受這個旅程的。