阿威

　朝早7點起身，為左要趕車去阿蘇。放低行李在YH就出發，坐2個鐘火車就到阿蘇，再轉一程巴士去登山纜車站果度。途中司機大佬係草千里觀光台停留一陣俾大家影影相。不過當時既草千里已經係黃草一片，唔係綠油油既青草。坐多幾個字車就到左登山纜車站，不過就唔好彩啦，由於阿蘇山有大量白煙霧出，情況唔穩定，所以今日唔可以上山睇火山口，殘念!咁唯有四週圍試食啦。

　之後就去左火山博物館，同埋係草千里周圍行下。見到仲有馬可以俾人騎，遊覽草千里，不過太貴啦。突然諗起先生既”如果有一天”既MV，同而家係草千里既Feel有D相似。呼吸一口新鮮空氣，人都精神左，真的太喜愛大自然的感覺。

　離開阿蘇，返到別府YH拎行李，就坐車去博多，準備坐夜車再去鹿兒島。

*今日係第20日，行程已經到左1/3，聽日去沖澠，心情緊張又興奮。去唔去到波照間島都係睇後日既做化啦!

　今日的景點是阿蘇火山，我們在早上離開YH後就坐巴士去那裡，到達那裡後，我們一心想著可以坐覽車上去近看火山，可惜，由於火山有煙冒出，恐怕有危險，例如有毒的氣體，所以不可以坐覽車近距離觀看，只可以遠距離拍攝，真係非常可惜，不過算吧，反正那裡的環境好舒服，大自然靚境，也不錯。我當時突然想起劉華的 ‘如果有一天’ 的MV，同背包一齊滾落山，哈哈，亂說一通。

　那裡見到有很多牛和馬，後來發現那裡的馬可以供人騎，不過當然要收費，我記得是以途程計算，行得越久，收費越貴，最低消費好似是1500Yen，我最初好想騎，不過經過一輪掙扎後終於到放棄，始終都是以錢行先，不可以亂來。之後，我們在那裡的店舖觀光及試食，途中遇到香港旅行團(東X遊)，都好耐冇見過那麼多香港人，不過我們沒有理會，自己繼續觀光，其後我們去到一個關於阿蘇火山的觀光館，有很多關於火山的資料。另外，那裡有一個音樂館，我有興趣入去參觀，不過勞大少就冇，所以我就自己買入場卷入去觀看，那裡擺放了很多舊的播音機，又有好多古典的裝飾，有些是可以讓遊客玩的，然後播放一些音樂，我記得有些是耳熟能詳的音樂，幾有趣，不過由於那裡不准攝影，所以相片就欠俸了。觀光完後我們就坐車回YH拿回我們的行李，去100Yen店買了些乾糧，之後就去博多等夜車，由於當天我大傷風，所以我冇食乾糧而去車站的地下街食晚飯。明天，明天我們就要去沖澠了，十分期待!!!