阿威

　今日起身後就去碼頭買飛，準備今晚坐船去石垣島。點知就出左事，今晚班船全部等級都滿席，原來俾學校旅行團包起晒。真係晴天霹靂，成盤計劃破壞左。再睇下第二間有冇位，不過要29號先有船，11月6日先有得返黎那霸。果一刻真係洩左氣，想放棄波照間，不過黎到沖澠就唔可以放棄。於是諗諗計，試將之後行程順延一下啦!暫時唔理啦!去觀光先。

　黎到沖澠梗要去參觀首里城，先俾入場費，但係我地唔知點解去左間士多買入場卷，開頭仲似為俾人”坤”添，原來係平D。除左係首里城出面參觀，仲可以入內睇添。裡面全部都係宮廷用既野，不過要除鞋入去。係門口就有好多沖澠民族服姐姐供遊人合照，我地當然走去合照合照。　

　由於今晚冇船搭，所以要係南風住多晚。然後行行國際通，兩旁全部都係賣手信，好熱鬧。去左一間三味線鋪，老細教左我地玩，好有衝動買一個，但係一買左，餘下日子就唔知點好，所以放棄了。到食飯時間，去左牧志市場食沖澠餐，好似我地香港市政大樓feel，下面係街市，樓上係熟食大排檔，買左料可以拎上去煮。

　今晚食左個Soba同Go-Ya Chanpu(雞蛋豆腐炒苦瓜)，好好味。不過最搞笑係阿威，一見到炒苦瓜，就話佢媽媽都識煮啦。食飽飽就返民宿，計劃一下新的行程。希望明天可以予約到船飛，好想好想去波照間啊!

　今早我們去碼頭準備買船票去石垣島，可惜那班船已經爆滿，好像是因為有學生團去那裡的關係，所以我們買不到船票，旅程至今的一個大難題來了，我們應該怎樣，有點不知所措，我們嘗試問職員可唔可以通融一下，不過唔得，之後我們坐下來想想有沒有其他方法，過了好一陣子，勞大少決定將旅程改動一下，不過要看看明天，睇下船票方面可唔可以作改動。

　之後，我們就收拾心情去首理城參觀，入場費640Yen，那裡陳列著古代皇族的物品，有高尚和很有氣派的感覺，那天亦有很多人參觀，當中亦有學生團，不過入內參觀之前先要除鞋，很嚴格的。在首理城觀光完後，我們就去行 ‘國際通’，沖繩一條繁榮的街道，觀光、試食及拍照，我們逛到六時左右就在附近的店舖吃晚餐，我吃了一個豬手soba及炒苦瓜，OK la。之後我們見還有時間，於是再去碼頭碰運氣，可惜都是沒有船票買，唯有第二日再去，之後就回旅館休息。